රෙද්ද ඔලුවට වැටිලා ගුටි කාල තියෙනවද?

මේක නං මම හිතන්නෙ කොල්ලොන්ගෙ ඉස්කෝල වලදි නිතරම වෙන දෙයක්.. ඔය ගුරු මේසෙට දාලා තියෙනවනේ මේස රෙද්දක්.. මේකෙන් ගන්න එක ප්‍රයෝජනයක් තමයි කාගේ හරි අසරණයෙකුගේ ඔලුවට දාලා ගහල දුවන එක. අයින් කරල බලද්දි ගහපු එවුන්ගෙ රෙදි කෑල්ලක්වත් හොයා ගන්න නැහැ.. ‍

අපේ ඉස්කෝලෙ.. කොල්ලොම හිටිය තැනක්.. ඕවට පදක්කම් ගහපු පන්ති ඉඳන් තිබුනා.. ඒවා ළඟින් ඉන්ටවල් එකට යන්නෙත් හෙන හෝදිසියෙන්.. මොකද ඒ ගහන පාරවල් ලෝබ නැතුව ගහනවා..ආයේ එකක්වත් තියාගෙන ඉන්නෙ නැහැ.. 

අපි හිටපු පන්තිය තිබුනේ බිල්ඩිං එකේ තුන්වෙනි තට්ටුවේ. ඒකට වැඩිය සර්ලාවත් එන්නේ නැහැ.. මෑන්ස් ලට ඉඳන් කම්මැලියි අර පඩිපෙල බඩගාන්න. ඉතින් අපිට දොළහ වසර මාර ආතල් කාලයක්.. එක දවසක් ඉන්ටවල් එකේ නිල් පාටයි අනිත් පාටයි මේස රෙද්ද අර ගෙන දැන් පන්තියෙ හිටපු අසරණයො දෙතුන් දෙනෙකුගෙන් ප්‍රැක්ටිස් පාරකුත් දැම්මා.. රෙද්ද ඔලුවට දාලා තද කරන්න හිටියේ හෙන හැඩි දැඩි රාහුලන් කියලා දෙමළ ඩයල් එකක්.. දැන් මෑන්ස් එරිත්‍රියා හරි කොහෙ හරි ගිහින්.. අපි තමයි අත පුරෝලා දෙන්නෙ..

සෝමපාලයා (උගේ හරි නම සෝමරත්න.. හොරණ තක්ෂිලාව දාලා අපේ ඉස්කෝලෙට ආවට පස්සේ පොර සෝමපාල වුනා) හෙන පොඩියට හැදිච්ච ඩයල් එකක්. මටත් වැඩිය කොටයි.. ඒත් හෙන අණ්ඩයා.. පන්තියෙ හිටපු ඇට්ටරම එවුන්ගෙ කනෙනුත් ඌ රිංගනවා සමහර වෙලාවට. ඌට තමයි අන්තිමට ගේම දෙන්න ඉතුරු වුනෙ. වැඩේ ඉව වැටුන නිසා මෑන්ස් පණ අතේ තියා ගෙන එළියට දිව්වා.. දැන් රාහුලයා දොර මුල්ලේ හැංගිලා බලාගෙන ඉන්නවා ඌ එනකම්.. අපි ඔත්තු බලන එවුන්.. අරූ එනවද නැද්ද කියන එක බලාගෙන ඉන්න ඕනෙ.. ඉන්ටවල් බෙල් එකත් ගහලා ටිකක් වෙලා..

ඔත්තු බලන්න පඩි පෙළ ලඟට වෙලා ඉඳිද්දි (කෙළියයි) චන්දරේ (ෆිසික්ස්කාරයා) එනවා පඩිපෙළෙ.. දුවන්නත් බැහැ මාට්ටු.. මොකද දිව්වෙ කියලා දණ ගැස්සුවොත්.. එහෙමම ගල් වෙලා හිටියා.. මෑන්ස් අපි පාස් කරගෙන පන්තිය පැත්තට ගියා.. 

ඊට පස්සෙ වෙන්න තියෙන දේ.....

වෙන්න ගිහින් බොහොම නූලෙන් ‍බේරුණා.. රාහුලන් කාරයා රෙද්ද ඔලුවට දාන්න පැනලත් තියෙනව.. පිටිපස්සෙ එකා ටක් ගාල පැනල අල්ලගෙන.. චන්දරෙත් ටිකක් අන්දුන් කුන්දුන් වෙලා ඉඳලා තියෙනවා.. අපි දන්නෙ පස්සෙ.. මොකද වුනේ කියලා බලන්න ලංකරෙ ටිකක් පහු වෙලා නිසා.. 

සෝමපාලයා පන්තියට ආවේ ඉස්කෝලෙ ඇරෙන බෙල් එකත් ගැහුවට පස්සෙ.. දහතුන වසරෙදි අපි සෝමපාලයව ගල්සෝමෙ පදවියට උසස් කලා.

ඕක මට මතක් වුනේ මේ අපේ පාර්ලිමේන්තුව ගැන හිතන්න ගිහින්.. නිකන් උනුත් අපේ ඔලුවට මේස රෙද්දක් දාලා අම්බානකට කෙළගෙන යනව වගේ නේද?