ටියුබ් ලයිට්

බ්ලොග් නම් එක එක ඒවා කියව කියව කාලයක් හිටියා... පස්සේ කාලෙකදි වැඩේ මග ඇරුනා. අද ඊයේ තමයි පත්තු වුනේ මැරතන් එකකුත් තියන්න යනවා කියලා.. ගෙදර ආපු ගමන් කලේ ඒක ගැන හොයපු එක. පස්සෙ තමයි දන්නේ හොයන අස්සේ ඒකට සෙට් වෙන්න තියන කාලෙ පැනලා කියලා.. 

කොහොමෙන් කොහොම හරි එතන චැට් රූම් එ‍කෙන් විස්තර හොයාගෙන (ssudaraka, rana, yogee රොක්ස් හරිද.. අයි ලව් යූ) සෙට් වෙලා ලියන පලවෙනි ලියවිල්ල. මම බ්ලොග් ලියන්‍න පටන්ගන්නෙම මැරතන් එකකින් (හික්ස්)

කොහොම හරි මගේ විස්තර ටිකත් කියන්නම්... මම සකල බුජං.. ඒක මමම දාගත්ත නමක්.. ඒක නිසා ඉතිහාසය අහගෙන එන්න එපා... ඉස්කෝලෙදි නම් වල් පාත්තයා කියල කිව්වා.. කැම්පස් යන කාලෙ තව එකක් කිව්වා.. වැඩ කරන කාලෙදි තියෙන තනි කමට මම මටම නමක් හදා ගත්තා.

මම ඉස්කෝ‍ලෙ ගියෙ නගරෙක තියෙන ගමේ ඉස්කෝලෙකට.. එතනින් ශිෂ්‍යත්වෙ පාස් වෙලා (මගේ අවුරුද්දෙ ඉස්කෝලෙන් පලවෙනියා මම හරිද) ගියා ලොකු ඉස්කෝලෙකට.. එතනිනුත් කොළඹ කැම්පස් එකට පැනලා අවුරුදු ගානක් ලැගලා පැන්නා ජොබ් එකකට. දැනට ජාලකරණය පැත්තෙ පොඩි ජොබක් කර කර ඉන්නවා.

තව විනාඩි පහලවකින් මොනව හරි දාන්නම්.. මාව සෙට් කර ගත්තද කියන්නවත් දන්නේ නැහැ... සෙට් කර ගත්තනම් උඹලා පට්ට!

(ටියුබ් ලයිට් කියලා දැම්මේ මැරතන් එකත් පත්තු වෙන්න ටිකක් වෙලා ගිය නිසා)